Esta é a páxina principal do Arquivo Histórico do IES Lucus Augusti (AHLA).
O Arquivo Histórico do IES Lucus Augusti (AHLA) está perfectamente catalogado grazas á gran axuda prestada polo Arquivo Histórico Provincial de Lugo.
Para coñecer o seu cadro de catalogación de fondos, pódese acceder, premendo na imaxe da dereita, que no leva a unha folla de Galiciana (Biblioteca Dixital de Galicia), onde podemos ve-las diferentes seccións do arquivo e, premendo nas tres liñas da dereita, se despregan as subseccións deste polo que nos podemos facer unha idea precisa dos fondos que o noso arquivo contén.
Aquelas persoas que precisen consultar estes fondos, deben pórse en contacto co noso centro e se lles indicará o procedemento de acceso porque, evidentemente, non hai persoal específico de atención e se depende da boa vontade do profesorado voluntario implicado e do horario xeral.
Así e todo, é a nosa intención que, en breve, poidamos ir subindo algún materiais significativos dixitalizados a esta web para facilitar o seu acceso ao público xeral. Polo de agora, pódense ver algúns exemplos como:
- Expedientes de alumnos…
- Expedientes de profesores…
- Memorias do centro…
- Inventarios de material…
- Revistas do centro nas diferentes etapas…
Todo este material, ofrécese libremente para o seu uso baixo unha licenza Commons Creative, que se corresponde coa imaxe inferior.
